» » » » SYAIR GUS DUR DALAM BAHASA JAWA

Wednesday, September 18, 2013

SYAIR GUS DUR DALAM BAHASA JAWA

Ngawiti ingsung nglaras syi’iran
Kelawan muji marang Pangeran
Kang paring rahmat lan kenikmatan
Rina wengine tanpa pitungan.


Duh bala kanca, pria wanita
Aja ming ngaji syari’at blaka
Gur pinter ndongeng, nulis lan maca
Tembeh mburine bakal sangsara

Akeh kang hafal Qur’an Haditse
Seneng ngafirke marang liyane
Kafire dewe dak digatekke
Yen isih kotor ati, akale.

Gampang kabujuk nafsu angkara
Ing pepaese gebyare ndunya
Iri lan meri sugihe tangga
Mula atine peteng lan nista.

Ayo sedulur ja nglaleake
Wajibe ngaji sapranatane
‘Nggo ngandelake iman tauhide
Baguse sangu mulya matine.

Kang aran shaleh bagus atine
Karana mapan sari ‘ngelmune
Laku thariqat lan ma’rifate
Uga hakiqat manjing rasane.

Al-Qur’an Qadim wahyu minulya
Tanpa tinulis bisa diwaca
Iku wejangan guru waskita
Den tancepake ing jero dada.

Kumantil ati lan fikiran
Mrasuk ing badan kabeh jeroan
Mu’jizat rasul dadi pedoman
Minangka dalan manjinge iman.

Kelawan Allah Kang Maha Suci
Kudu rangkulan rina lan wengi
Ditirakati diriyadhai
Dzikir lan suluk ‘ja nganti lali.

Uripe ayem rumangsa aman
Dununge rasa tanda yen iman
Sabar narima najan pas-pasan
Kabeh tinaqdir saking Pangeran.

Kelawan kanca, dulur lan tangga
Kang pada rukun aja gawe sia
Iku sunnahe rasul kang mulya
Nabi Muhammad panutan kita.

Ayo nglakoni sekabehane
Allah kang bakal ngangkat drajate
Senajan asor tata zhohire
Ananging mulya maqom drajate.

Lamun palastro ing pungkasane
Ora kesasar roh lan sukmane
Den gadang Allah suarga manggone
Utuh mayite uga ulese.

Bergabung di Faebook menjadi follower BERAGAM PUISI

No comments:

Post a Comment

POPULAR POST